DAVAO CITY – Gipasalig sa mga nagdumala sa Temporary Treatment and Monitoring Facility (TTMF) ning dakbayan partikular na sa Davao City International Airport nga dili mausab ang ulahing insidente diin adunay usa ka trabahante ang namatay human nga nakuryentehan samtang adunay gikumpuni sulod sa isolation facility.
Kahinumduman nga samtang nag-ayo sa poste duol sa tent ang mga biktima, aksidente sila nga nakuryentehan apan usa niini ang nakabsan sa iyang kinabuhi.
Una ng gibutyag ni City Health Office (CHO) head Dr. Ashley Lopez nga isolated lamang ang nahisgutan nga insidente ug nakiglambigit na sab sila sa uban pang hingtungdan nga ahensiya sa kagamhanan aron lamang dili na subli pa nga mahitabo ang insidente.
Gitino sab sa opisyal nga luwas sab ug walay angayan nga kabalak-an ang mga ipahimutang sa tent city ilabi na kadtong mga pasahero nga temporaryong magpabilin sa lugar samtang gihulat ang resulta sa ilang swab test.
