DAVAO CITY – Gibutyag sa Philippine Volcanology and Seismology (Philvolcs) nga wala sumala pay laoman nga kadaut ang nasinatiang Magnitude 6.6 nga linog pasado kagahapon sa hapon diin sentro ang kasadpan nga bahin sa Mindanao.
Una niini, giwagtang sab sa ahensiya ang tsunami alert sa Davao region human ang nasinatiang kusog nga pagtay-og alas 4:50 kagahapon sa hapon.
Namatikdan ang epicenter niini sa gilay-on nga 172 km sa habagatang sidlakan sa Governor Generoso, Davao Oriental. Aduna kini gilawmon nga 134 km ug tectonic ang gigikanan.
Anaa sa Intensity III – Kiamba, Sarangani samtang Intensity II ang General Santos City. Samtang subay sa Instrumental Intensities anaa sa Intensity III – Kiamba & Malungon, Sarangani, Intensity II – Alabel, Sarangani; Tupi, South Cotabato; General Santos City; Koronodal City.
Gibutyag sab sa Philvocs nga laoman pa gihapon ang mga aftershocks human ang pagtay-og.
