Gisugdan sa Truth Commission ang unang session uban sa mga pamilya sa giingong mga biktima sa drug war panahon sa administrasyon ni kanhing Pangulong Rodrigo Duterte. Tumong sa grupo nga tigomon ang mga testimonya ug ebidensya gikan sa mga pamilya aron makahimo og consolidated report nga isumite sa mga may kalabotang ahensya sa gobyerno.
Atol sa kalihokan, gipasidunggan usab ang mga biktima pinaagi sa live performance, samtang tagsa-tagsa nga nagsindi og kandila ang mga mitambong isip simbolo sa paglaum. Matud ni Truth Commission adviser Cardinal Pablo Virgilio “Ambo” David, bantayan sa grupo kung unsaon pagtubag sa gobyerno ang ilang mahimong findings ug rekomendasyon.
Samtang, giingon ni Truth Commission chairperson Atty. Raul Pangalangan nga kung mangayo ang International Criminal Court kon ICC og kopya sa ilang findings ug ebidensya, andam silang motugyan niini aron magamit sa imbestigasyon.Padayon pa ang pagpangolekta sa testimonya ug dokumento gikan sa mga pamilya.
