DAVAO CITY – Nasayran sa usa ka survey nga miubos ang pagsalig sa mga Dabawenyo ngadto kina Pangulong Bongbong Marcos ug Vice President Sara Duterte.
Sumala pa sa survey nga gipahigayon sa University of Mindanao – Institute of Popular Opinion gikan Nobyembre 23 hangtud Disyembre 5, ning tuiga, nidausdos sa 26.3% ang trust rating sa pangulo gikan 64.3% sa nakalabayng lima ka bulan.
Samtang misaka ug 15 ngadto sa 20% ang nag-ingon ngd duna sila’y slight trust ngadto sa Pangulo gikan 21% nga miabot na lamang sa 33.9%.
Samtang nikunsad sab ug 13% ang trust rating ngadto kang VP Duterte nga niabot sa 65.5% gikan sa 78% sa miaging survey.
Nisaka sab ang slight trust responses sa mga Dabawenyo ngadto sa bise presidente gikan 8% nga niabot na sa 17.3% sa 1,200 na mga miresponde sa maong survey.
Nisaka sab ug 9% ang mga nagpadayag sa ilang pagka-walay salig kang Duterte gikan sa 3% nga tubag sa naunang survey.
VIA || Bombo LJF
