DAVAO CITY – Gumikan sa nagkataas nga ihap sa mga Southern Philippines Medical Center (SPMC) workers nga nakatakdan ug coronavirus, gikanayon ni Davao City Mayor Sara Duterte-Carpio nga nagkaubos na karon ang gigahin nga trust fund alang sa mga staff sa hospital.
Sumala pa kang Mayor Inday anaa na karon sa 28 ka mga SPMC workers ang infected sa Covid-19 diin gilangkuban kini sa mga nurses ug nursing attendants.
Gikanayong 26 sa mga nahisgutan ang nahatagan na ug portion sa iyang gisaad nga trust fund diin iyang ihatag ang iyang usa ka tuig nga suweldo sa mga nahisgutan nga anaa sa P2,144,256 diin matag usa niini makadawat ug tig-P50,000.
Samtang sa nauna nga pahayag ni SPMC medical professional staff chief Dr. Ricardo Audan nga aduna nay mga health workers nga miretiro sa serbisyo tungod sa kahadlok sa covid-19, girespeto sumala pa sa Mayor ang desisyon sa mga nahisgutan.
Hinuon gipasalig sumala pa kaniya ni SPMC chief Dr. Leopoldo Vega nga walay angayan nga kabalak-an gumikan kay adunay katakos ang balay tambalanan nga maka-recruit ug mga bag-ong personahe.
