Gisugyot na ni US President Donald Trump nga angay na nga magkaistoryahanay ang Israel ug Iran aron mapakunhod ang tensiyon tali sa duha ka nasud.
Padayon ang panagsukli-ay og rockets sa duha ka nasud, diin mibutyag ang Iran nga 128 na ang namatay tungod sa mga atake sa Israel, samtang 10 ka ka mga tawo ang namatay sa ilang kampo.
Apan, gipasalig ni Israeli Prime Minister Benjamin Netanyahu nga dili pa angay hisgutan ang pagpakalma sa tensyon, kondili ang pagpugong sa Iran sa paghimo og nuclear weapon.
Gisiguro usab ni Netanyahu nga wala sila’y tumong nga damayon ang mga sibilyan sa Iran.Gipasigarbo usab ni Netanyahu nga aduna silay klaro nga koordinasyon sa US kabahin sa ilang mga lihok kontra Iran.
Kahinumduman nga daghang mga lider sa kalibutan ang naglaom nga angay magkaistorya na lamang ang Iran ug Israel aron malikayan ang mas dako pa nga kagubot ug kadaot.
