Mupagawas og duha ka Executive Orders si US President Donald Trump alang sa iyang programa sa pagwagtang sa diversity, equity, and inclusion (DEI), partikular na sa mga military base sa US.
Diin ang usa ka Executive Order ang magdili sa mga transgender sa pagserbisyo sa U.S. militar ug gitinguha usab ni Trump nga tangtangon ang kanhing direktiba ni kanhi presidente Joe Biden sa 2021 nga nagtugot sa mga transgender nga magserbisyo sa militar.
Samtang ang bag-ong Executive Order, maghatag og mas estrikto nga mga lagda bahin sa paggamit sa mga pronoun ug gender identity, ug hingpit nga magdili sa mga transgender nga magserbisyo sa militar.
Matud pa sa White House, nga kini usa lamang ka bahin sa mas lapad nga away batok sa gitawag ni Trump nga “gender insanity”.
Dugang pa niini, nga nagplano usab si Trump nga ibalik ang mga miyembro sa militar nga gipalagpot gumikan sa giingon nga pagdumili sa mando sa bakuna sa COVID-19, ug hatagan niini og back pay, dayun ibalik ang ilang mga ranggo.
Mapasigarbuhon nga gipahibalo sa White House nga kini nga mga mando usa ka pagbag-o sa palisiya sa militar aron unahon ang pagkuha nga nakasubay sa merito ug pagwagtang sa mga akomodasyon alang sa mga wala makaabot sa pisikal nga mga kinahanglanon sa serbisyo.
Matod pa niini, nga hatagan usab og prayoridad ang mga grupo susama sa mga minorya, kababayen-an, ug mga baldado sa pagkuha og trabaho.
