Gipasalamatan ni US President Donald Trump ang Egypt, Turkey, ug Qatar sa ilahang papel isip tulay sa pagkab-ot sa kasabutan sa ceasefire sa Gaza.
Sa iyang mubo nga pagbisita sa Egypt, misalmot si Trump sa pagpirma sa kasabutan alang sa ceasefire tali sa Israel ug Hamas.
Gidugang pa niya nga positibo na ang mga resulta sa kasamtangang ceasefire ug anaay kalinaw nga nagsugod na tali sa duha ka kampo.
Gipasigarbo usab ni Trump nga daghan ang wala mituo nga posible ang ceasefire, apan tungod sa iyang pagpursige ug suporta sa mga nasod nga mitabang, nahimong posible kini.
Sa wala pa mipadulong sa Egypt, una siyang mibyahe sa Israel ug gipasalamatan ang mga lider ngadto tungod sa ilang pagtubag ug kooperasyon sa kasabutan sa kalinaw.
Gipagawas na usab sa Hamas ang 20 ka mga bihag nga ilang gihuptan, kapuli sa hapit 2,000 ka piniriso nga gibuhian sa Israel.
