-- ADVERTISEMENT --
Mibangga ang usa ka elf truck sa pader sa usa ka balay sa Mars Street, GSIS Heights, Matina, Davao City pasado alas 11:00 kaganinang buntag.
Sumala sa driver nga si Norberto Cleto, gikan siya sa Shrine Hills ug padulong unta sa Matina Crossing.
Apan pag-abot niya sa dulhugon ug likuon nga bahin sa kanto Mars Street nawad-an siya ug preno hinungdan nga iyang gikabig pa wala ang manobela ug gibangga ang truck sa pader aron nga dili maka-angin sa uban.
Milungtad ug pipila ka minuto ang pag-rescue sa driver gumikan kay na-ipit kini.
Gidala na sa Southern Philippines Medical Center (SPMC) ang truck driver aron ipailawom sa medical examination.
-- ADVERTISEMENT --
