DAVAO CITY – Padayon pa gihapon ang monitoring sa tropa sa kagamhanan bisan pa kung walay gikatalang angol sa kasundalohan sa kagamhanan human ang nahitabong ambush sa Sitio Pagan Pequiño, Brgy Tamugan, Marilog District, ning dakbayan sa Davao pasado alas 10:00 kagahapon sa buntag.
Mga sakop sa New People’s Army (NPA) ang gikatouhang mi-ambush sa kasundalohan human magpaka-aron-ingnon nga mga yano nga mga sibilyan.
Nasayran gikan kang 2lLt. Bartiquil sa 3rd IB Philippine Army nga duna sumala pa’y mga sibilyan nga mibabag kanila nga dili pasudlan ang lugar hinungdan nga nagduda na ang kasundalohan, wala pay usa ka kilometro ang ilang nabiyahe, mibusikad na ang landmine sa Sitio Pagan, hinungdan nga naka-plastada pa ang kasundalohan sa posibleng panghitabo.
Padayon ang gilusan nga hot pursuit operation sa kasundalohan batok sa grupo sa mga rebelde.
Nasayran nga sakay sa duha ka KM450 nga military truck ang kasundalohan nga sakop sa Scout Platoon, sa 3rd IB Philippine Army ug gisubay ang National Highway sa dihang gipaulanan ug mga bala sa gituohang mga sakop sa Pulang Bagani Command (PBC) 2, Southern Mindanao Regional Command ang kasundalohan.
Pakyas sila nga makapatay sa bahin sa kasundalohan.
