Gibutyag ni kanhi Pangulong Rodrigo Duterte nga dili matud pa tiaw ang kapin 13 ka oras nga pagdungog sa House Quad Committee, hilabi na sa pangedaron usab sa maong kanhi Pangulo.
Sigon ni Duterte nga nahuman na siya og tubag sa tanan ug wala na matud pay angay balikan sa pagdungog.
Samtang, gitawag ni kanhi Senador Antonio Trillanes III nga usa ka bluffer si kanhi Pangulong Rodrigo Duterte.
Gipahayag pa niini, nga natun-an na niya ang lihok ug pamatasan sa kanhi pangulo, diin gi-agi na lamang niini sa pagpanghadlok.
Gipaneguro usab niini nga iyahang isubmitar sa International Criminal Court (ICC) ang nahimong resulta sa pagdungog sa Quad Comm susama sa gihimo niini sa Senado.
Nagtuo usab kini nga adunay gibug-aton ang kasong ipasaka niini batok sa kanhi pangulo sa nahitabong drug war niini, lakip na ang pagka-protektor kuno sa mga drug lord.
