DAVAO CITY – Nagtuo ang tricycle driver sa Catitipan nga bout gayud siya patyon sa police nga iyang gikabangi.
Ang biktima nga si Ronald ‘Ronron’ Bala, residente sa Macopa Corner Chico St., Ciudad de Esperanza Subdivision, Cabanti-an, ning dakbayan sa Davao, kinsa gidabodabohan ug kulata sa naghuramintado nga police, SPO1 Roger Cabardo Padayogdog, 43 anyos, sakop sa Regional Mobile Force Battalion.
Na-anghelan lamang gumikan kay dunay mga nangagi nga mga police hinongdan nga nakabuhi siya gikan sa kamot sa suspetsadong police.
Sumala pa kang Bala nga sa pagbana-bana niya mga traynta ka kinumo ang napatugpa sa pulis sa iyang nawong ug ulo nga bahin.
Gumikan sa kakusog sa mga mitugpa nga mga kumo gikan sa pulis igo na lamang nga mitungko ang biktima nga halos mawad-an na ug panimout.
Wala gayud masayud si Ronald Bala nga dihang nababagan niini ang sakyanan sa police sa dihang mopaingon na unta sa pagtorno.
Wala siya sitaha sa police atol sa panghitabo, apan gi-atangan sa ibabaw ug didto na kulataha.
Bisan kung sakit pa ang mga bun-og namasada lamang gihapon ang biktima gumikan kay wala’y maka-on ang pamilya.
Saysay pa sa biktimang tricycle driver nga padulong na siya sa Buhangin Police Station aron nga ipa-blotter ang gihimo sa police dihang milanog ang boto sa mga armas sa dihang naka-sibilyan na ang nangulata nga police ug gipusil ang mobile patrol sa RMFB.
Ulahi na nga nasayran sa biktima nga napatay sa mga kaubanang police ang mikulata kaniya.
