DAVAO CITY – Mokabat sa 3,000 ka mga personahe gikan sa mga law enforcement agencies ang laoman nga magpatuman ug hugot nga seguridad sa nagsingabot nga kasaulogan sa ika-80th nga Araw ng Dabaw.
Matud pa kang Police Supt. Michael John Dubria ang hepe sa Davao City Police Office (DCPO), nga gikan sa mga ahensiya sa DCPO, Task Force Davao (TFD), Bureau of Fire Protection (BFP), City Transport and Traffice Management Office (CTTMO), Central 911 ug Public Safety and Security Command Center (PSSCC).
Kalakip sab sa mga ipakatag ang mga otoridad nga wala naka-uniporme kini aron mabantayan pag-ayo kadtong nga adunay dili maayo nga plano.
Subli sab nga nagpahimangno si Dubria nga gidili pa gihapon ang pagsuot ug kalo, backpack, sunglasses, ug pagdala ug mga canister ilabi na sa mismong adlaw sa selebrasyon partikular na sa parada.
Gihimo ang pagplastar sa seguridad atol sa ikaduhang regular meeting sa City Peace and Order Council.
