Nangayo na og pasaylo ang pasahero kansang nangulata sa gisakyan niining tricycle driver sa Brgy. Calinan kaniadtong hunyo 5 sa hapon. Nagdumili na og pakita sa camera ang giilang suspek nga si Ryan, apan aminado kini nga sayop ang iyahang gibuhat.
Gani nakig-kamay pa kini sa biktimang si Hasim sulod mismo sa Calinan Police Station.
Apan bisan paman niini, desidido gihapon nga mupasaka og kaso ang biktima ngadto sa suspek sa kasong physical injury human nga nakahiagom kini og mga bun-og ug pangos sa nawong niini hilabi na sa walang bahin sa mata niini, tuo nga aping ug sa ngabil usab niini.
Nasayran usab nga lango sa ilimnong makahubong ang maong pasahero sa dihang nahitabo ang panagbingkil. Sa eksklusibong pakighinabi sa bombo radyo davao ngadto sa biktima nga giilang si Hasim, giingon niining gisumbag kini una sa kilid sa maong suspetsado samtang nagabyahe hinungdan nga gihunong niini ang pagmaneho.
Nakurat na lamang kini matud pa gumikan kay mituyok na ang pasahero niini ug gisumbag kini sa nawong hangtod nga natumbag kini.
Saysay sa biktima nga wala kini una magkasinabot sa pamili sila sa suspek, sa dihang gipangutana niini ang biktima sa relihiyon niini. Human sa maong panghitabo, nagsugod matud pa og pagpanghasi na ang suspetsado.
Samtang, depensa usab sa suspek nga si Ryan, gibastos matud pa sa biktima ang anak niini kansang kauban usab niini sa tricycle.
Gipanghimakak usab kini sa biktima ingon man nga wala kini namastos ug tapad niini samtang nagamaneho ang suspek nga naglingkod sa front seat ayha pa man ang anak niining babaye.
Sa karon, nasuko pag usab ang kabanay sa maong biktima ug walay balak nga iundang ang kaso.
