DAVAO CITY – Aminado ang Davao City Covid-19 Task Force nga adunay problema sa transportasyon sa mga nagpositibo sa virus paadto sa mga temporary treatment and monitoring facilities o sa balay tambalanan.
Gipasabot ni Acting city health officer Dr. Ashley Lopez nga dili ma akomodar sa Rapid Action team (RAT) ang pagsunod sa tanang pasyente tungod sa kadaghan sa mga pasyente nga matala nga nagpositibo matag adlaw.
Dugang pa sab sa opsiyal nga dili sab mamahimo nga mag home quarantine lang ang kumpiramado nga nag positibo sa sakit.
Kinahanglan nga madala dayon ang mga nahisgutan sa mga isolation facilities aron nga mapugngan pa ang posibleng pagtakod-takod sa virus.
Una ng gibutyag ni Mayor Sarah Duterte nga kinahanglan nga paspasan ang testing, contact tracing ug isolation sa mga positive case aron nga ma-control ang pagtaas sa kaso sa covid-19 .
Samtang, gikatakda nga mokuha ang lokal nga panggamhanan og duha ka mga bus sa pagsundo sa mga pasyente.
