Kini ang gikompirma sa lokal nga kagamhanan sa Davao pinasikad sa monitoring sa City Transport and Traffic Management Office (CTTMO), Land Transportation Franchising and Regulatory Board (LTFRB)-eleven ug uban pa nga mga ahensya sa kagamhanan.
Gisugdan kaganinang alas 5:00 sa buntag 36 ka mga bus ang namasada sa mga lugar nga gibiya-an sa mga PUJ gumikan sa transport strike.
Ang 36 ka mga Bus gilangkuban sa Bachelor 12 ka unit, Metro Shuttle 12, Mindanao Star 10 ug LCI 2.
Gi-distino kini sa South Area: nga gilakipan sa Toril, Calinan, Maa, ug Catalunan Grande.
Samtang ang sa norte nga bahin gilakipan sa Lasang via Sasa ug R. Castillo, Lasang via Catitipan Buhangin, ug Agdao agi sa CM Recto.
Matag bus dunay sakay nga mga marshalls nga mao ang moseguro nga luwas kini samtang anaa sa paghatud ug mga pasahero. Magpadayon ang biyahe sa nahisgutan nga mga bus nga nahimutang sa atubangan sa City Hall hangtud nga mahatud ang tanan nga mga pasahero balik sa ilang yagsa ka mga dapit karong hapon.
Ang mga namasada nga mga jeep ginasinggitan sa mga militanteng grupo nga nagbantay sa mga chokepoint sa nagkada-iya nga bahin sa dakbayan.
