-- ADVERTISEMENT --
Giduso sa grupong Pasang Masda ang dugang P1.00 nga provisional increase sa plete tungod sa padayon nga pagsaka sa presyo sa gasolina.
Sumala sa grupo, temporaryo lamang kini ug mamahimong P14 na ang minimum nga plete sa jeep gikan sa P13.00.
Sumala ni Pasang Masda president Obet Martin nga kinahanglan masabtan sa mga opisyal sa gobyerno ang ilahang hangyo nga pagpataas sa pletehan.
Daghan sumala pa sa ilahang mga miyembro ang nagreklamo tungod sa sunod-sunod nga pagsaka sa presyo sa mga produktong petrolyo sa nagkalain-laing semana. Nangayo usab sila og pagsabot sa mga pasahero tungod temporaryo lamang kini nga pagsaka sa pletehan.
