DAVAO CITY – Daghanan pa nga mga pamilya karon ang nagbalatian gumikan sa nasinatian nga transmission sa Covid-19 sa ilang tagsa-tagsa ka mga panimalay.
Una ng gibutyag ni Dr. Michelle Schlosser, spokesperson sa Davao City Covid-19 Task Force nga misaka ang ihap sa mga panimalay nga gipailalom sa lockdown gumikan sa transmission sa infection sa siyudad.
Gipahimangnoan na sab matud pa karon sa siyudad ang pag-mobilize sa Barangay Health Emergency Response Teams (BHERTs), district health officers, ug security cluster aron nga pahugtan pa ang household lockdown.
Una ng gibutyag sa opisyal nga anaa sa 15 ka mga establisyemento ang gipailalom sa lockdown sa siyudad sa milabay nga 34 ka semana kini tungod sa pagsaka sa kaso sa Covid-19 sa mga working places.
Gikanayong kadaghanan sa mga establisyemento ang pakyas sumala pa nga motamud sa minimum health standard protocols ug alternative work arrangement nga maoy hinungdan nga gikonsidera kini nga high risk.
