DAVAO CITY – Dili mosalmot ang public transport group Transport of Southern Mindanao for Solidarity, Independence and Nationalism (Transmision-Piston), nga nakabase sa Southern Mindanao, sa nationwide transport strike nga gipangunahan sa Piston, apan molusad sila ug caravan aron nga ipasibaw ang ilang interes.
Sumala pa kang Transmision-Piston Spokesperson Edwin Fernandez nga ang ilang transport caravan magsugod karong alas 8:00 sa buntag.
Ang 30-40 ka vehicle caravan mo-agi sa Magsaysay Park hangtud sa Cabaguio St, dayong molahos ngadto sa J.P. Laurel Avenue agi sa Victoria Plaza ug Gmall.
Ang grupo molahos ngadto sa sa Elpidio Quirino Avenue, dayon sa Bankerohan hangtud nga mo-abot sila sa buhatan sa Land Transportation Franchising and Regulatory Board (LTFRB) office sa Matina diin sila molusdad ug picket.
Ang transport group molusad ug picket sa Land Transportation Office (LTO) ubay sa Quimpo Boulevard sa dili pa molahos sa ngadto sa San Pedro alang sa ilang panapus nga kalihukan.
Sumala pa kang Fernandez kalakip sa issue nga ilang ipasibaw mao ang phase out sa karaan nga mga jeepneys.
