Gilusad sa Department of Health (DOH) ang kampanya nga “Trangkaso Bye-Bye!” aron sa paghatag og husto nga impormasyon ug aron malikayan ang trangkaso karong panahona sa flu.
Ang mensahe sa DOH nga “Maghugas ng Kamay, Trangkaso Bye-Bye! Magpahulay sa Balay, Trangkaso Bye-Bye! Kaon og Prutas ug Gulay, Trangkaso Bye-Bye!” nagpahinumdom sa publiko nga adunay mga yano nga pamaagi aron mapadayon ang kahimsog.
Subay sa labing bag-ong report sa DOH, kapin sa 6,400 ka mga kaso sa flu-like nga mga sakit ang narekord gikan Setyembre 28 hangtod Oktubre 11, 2025.
Kini mas ubos og 25% kung itandi sa susamang panahon niadtong miaging tuig.Bisan pa man nga walay outbreak, panahon gihapon karon sa trangkaso sa nasod tungod sa ting-ulan ug sa umaabot nga Amihan.
Busa, pahimangno sa DOH: likayan ang pagtakod sa sakit pinaagi sa pagpanglimpyo, igo nga pagpahulay, ug pagkaon og masustansya nga mga pagkaon.
