Tram sa Milan, Italy nadiskaril, 2 patay, 40 angol

Patay ang duha ka mga tawo human madiskaril ang usa ka tram sa Milan, Italy nga nakuhaan pa og video ang maong panghitabo.

Subay sa inisyal nga imbestigasyon, ang tram gikan sa Viale Vittorio Veneto na-diskaril ug nabangga sa usa ka building.

Tungod sa insidente, adunay 40 ka pasahero ang nasamdan.

Usa sa mga namatay mao ang 60-anyos nga lalaki nga nagtabok lang sa karsada sa dihang nahitabo ang disgrasya.

Gidala na sa ospital ang mga nasamdan samtang padayon gihapon ang imbestigasyon sa mga awtoridad kabahin sa insidente.