-- ADVERTISEMENT --
Nakaangkon og danyos ang usa ka burger chain nga nahimutang sa Brgy. Bago Aplaya ning dakbayan sa Davao human kini nabanggaan sa dakong truck. Subay sa report sa kapulisan, nahitabo ang pagkabangga pasado ala-una kaganihang kaadlawon. Makita sa video nga napasok ang ulo sa truck sa establisemento.
Maayu na lamang nga walay giguyod nga container Van ang nasampit nga truck atol sa maong panghitabo. Nakaangkon usab ug danyos ang usa ka motorsiklo nga adunay sidecar nga anaa sa atubangan sa nasampit nga establisemento. Samtang walay natalang naangol sa maong panghitabo.
Gidudahan usab sa mga nakakita nga posibling nawad-an og break o nakatulog ang drayber sa truck gumikan sa maong panghitabo.
