DAVAO CITY – Nakompleto na sa Davao City Transport and Traffic Management (CTTMO) ang pagbutang og signage alang sa mga sakyanan ug orienting vendors nga apektado sa bag-ong Bankerohan traffic scheme, nga mu-epekto karong adlawng Sabado, Hunyo 1.
Tumong sa maong laraw nga masiguro ang hapsay nga paglihok sa mga sakyanan ug ang kaluwasan sa mga mamalitay sulod sa Bankerohan Public Market.
Naglakip ang maong iskema sa mga restriksyon sa mga vendors gikan sa mga karsada, bag-ong turning point sa mga traysikol ug Public Utility Jeeps, pagdili sa pagsulod sa mga traysikol ug trisikad, bag-ong mga lugar nga kargahan ug kargamento sa mga pasahero, ug mga bag-ong drop-off area alang sa mga kargamento.
Gikompirmar ni CTTMO Head Dionisio Abude nga kompleto na ang pagbutang og 25 ka mga signage nga nakabutang ang “No Parking and No Vendors Allowed” ug pito ka “No Entry to All Tricycle” signage.
Gawas niana, mobalhin ang mga vendor nga apektado sa public pay parking ngadto sa mga market spaces alang sa pag-abang nga giila sa City Economic Enterprises, nga adunay deadline sa Mayo 31.
Mokabat sa 87 ka mga vendors sa Datu Bago, Marfori Extension ngadto sa Pag-asa St ang giisyuhan og notice of violation tungod sa paglapas sa ilang mga stall sa mga karsada, uban sa pito ka adlaw nga self-deleted attachment.
Gipahinumdoman usab sa CTTMO ang mga vendors nga sundon ang 1/3-2/3 policy.
Ipambutang sab ang mga kawani sa ahensya aron mamonitor ang pagsunod sa bag-ong laraw sa trapiko.
Nag-andam ang Ancillary Services Unit ug City Economic Enterprises ug Operation Plan alang sa bag-ong laraw niadtong Disyembre 2023 aron matubag ang kahuot sa kadalanan sa Bankerohan.
