-- ADVERTISEMENT --
DAVAO CITY – Balhog sa prisohan ang usa ka traffic enforcer human nga naaktuhan kining namaligya og iligal nga droga atol sa gipahigayong buybust operation sa kapulisan ngadto sa Quimpo Boulevard, Purok 33, Barangay 76-A ning dakbayan.
Subay sa report, giila ang dinakpan nga mao si Edwin Pabilan, 31 anyos ug residente sa Barangay Los Amigos ning siyudad.
Atol sa pagrekesa, nakuha gikan sa posisyon sa dinakpan ang 2 ka pakete sa iligal nga droga nga adunay gibug-aton nga 1.4 gramos ug mibalor ngadto sa P22,000. Kasong RA 9165 kon Comprehensive Dangerous Drugs Act of 2002 ang dinakpan.
