Wala nahunong sa ilang trabaho ang kontraktor sa kontrobersyal nga Samal Island–Davao City Connector Bridge Project bisan pa sa pagpagawas sa Supreme Court og writ of kalikasan niadtong Lunes nga nagtinguha nga ipahunong ang maong proyekto tungod sa mga kabalaka sa kinaiyahan.
Sa paghinabi ngadto kang DPWH XI spokesperson Dean Ortiz nga nagapadayon sila sa pagsunod sa proseso sa korte ug naghulat pa sila karon sa opisyal nga kopya sa writ ug sa posibleng mga mando gikan sa korte nga moresulata sa suspensyon sa operasyon.
Sa pangutana kon nakadawat na ba og mando ang Central Office alang sa temporaryong paghunong sa proyekto, gibutyag ni Ortiz nga subay sa pinakabag-o nilang pakiglambigit sa project engineer, wala pa nakadawat og kopya sa writ ang departamento.
Gipasabot usab niini nga “writ of kalikasan pa lamang kini” ug kinahanglan pa nga hukman sa korte ang maong isyu.
Sumala pa ni Ortiz nga samtang wala pa’y nadawat nga kamanduan gikan sa korte nga magpaundang sa proyekto, magpadayon gihapon ang pagtrabaho.
Susamang panghinaot usab ni Ortiz nga ang ilang paglaum nga magpadayon gihapon ang proyekto sa taliwala sa legal nga hagit.
Gipanghingsgan usab niini nga ang DENR na mismo ang nag-isyu og Environmental Compliance Certificate (ECC), ug igo na kini smala pa aron ipadayon ang proyekto pinaagi sa pagsunod sa mga lagda sa balaod.
