DAVAO CITY – Gikanayon ni Norman Baloro, in charge sa Davao Special Project Office nga laing livelihood program nga gitawag nga “Trabaho Dabawenyo”, diin sugdan na sab karong bulana.
Gikanayong ang Trabaho Dabawenyo mohatag ug oportunidad sa mgha dabawenyo diin apektado ang ilang trabaho gumikan sa epekto nga gihatud sa COVID-19 pandemic.
sukad sumala pa nga nagsugod ang pandemiya sa milabay nga tuig, anaa sa 59,421 Dabawenyos ang nawad-an ug trabaho apan gipang-hire sa lokal nga kagamhanan alang sa short-term employment assistance.
Sa P172.9 million nga subsidiya alang sa Work for Davao program, P135.7 million ang napagula samtang ang nahibilin nga P37.2 million ang padayon karon nga gi-disburse.
Nakatala sab ang Davao Special Project Office ug 30 ka mga recipients sa cash assistance gikan sa indigenous groups sa Marilog ug Paquibato samtang kanhi 40 ka mga rebelde ang nakadawat sab ug financial aid gikan sa P1 million project ilalom sa #Barangay Ko, Bahay Ko (#BKBK) TUPAD Program sa DOLE 11.
Kabahin niini, gitataw sab ni Baloro nga anaa sa 95 ka mga mananagat sab sa 26 ka mga barangay nga anaa sa coastal areas ang kwalipikado sab nga makadawat ug financial assistance gikan sa gobyerno.
Mikabat sab sa 1,472 gadgets ang napanghatag sa mga kwalipikado nga mga estudyante ilalom sa “Student Siblings Laptop & Tablet Sharing Project” sa lokal nga kagamhanan.
