DAVAO CITY – Nagplano si Davao City Mayor Sebastian “Baste” Duterte nga magdugang ug mga tourist spots sa siyudad partikular na sa Marilog ug Paquibato areas.
Gikanayon ni City Councilor Al Ryan Alejandre nga gikonsiderar sa mayor ang mga agri-tourism sites ug usa ka amusement park sa maong mga lugar.
Gihisgutan usab niya ang posibilidad nga magtukod ug amusement park sa Marilog.
Matud pa sa konsehal sa siyudad nga atol sa pagbisita sa Davao delegation sa Japan, giawhag ni Duterte ang mga Japanese investors nga mamuhunan sa Davao.
Gipangita karon sa mga negosyante ang kahigayonan sa pagpamuhunan sa Paquibato area, apil na ang durian agritourism.
Kon ugaling maaprubahan, motuman sila sa Republic Act No. 8371 o Indigenous Peoples’ Rights Act of 1997 alang sa ancestral domains nga mahimong maugmad.
Makadawat sab ang mga lumad sa kasikbit nga lugar og mga nag-unang benepisyo.
Gimanduan ni Duterte ang mga konsehal sa Second ug Third District nga pangitaon ang mga langob ug falls nga adunay potensyal nga destinasyon sa mga turista uban sa koordinasyon sa Barangay and Cultural Communities Affairs Development, City Information Office, ug City Engineers’ Office.
via || Bombo LJF
