Gisugyot ni Manila 2nd District Representative Rolando Valeriano ang lubos nga pagdili sa tanang klase sa online sugal, lakip na ang E-sabong.
Sa iyang gi-file nga House Bill No. 1455, gipropose ni Valeriano nga bawi-on sa Philippine Amusement and Gaming Corporation (PAGCOR) ang tanang lisensya ug permit nga gihatag niini sa mga online gambling platforms.
Gihulagway ang online gambling nga makadaot sa pamilya, pangisip, ug moralidad sa katawhan, ug mahimong hinungdan sa pagkadato sa pipila samtang naglisod ang kadaghanan.
Ang balaod non nagtumong sa pagpanalipod sa publiko ilabi na ang mga kabatan-onan ug vulnerable nga sektor batok sa kadaot nga epekto sa digital o online nga sugal.
Gilauman nga kini nga panukala makahatag ug diskurso sa Kongreso alang sa mas lig-on nga regulasyon ug proteksyon sa katawhan batok sa bisyo sa online gambling.
