“We really cannot turn our back” mao kini ang gibutyag ni PBGen. Nicolas Torre III atol sa gipahigayong senate hearing kagahapon sa Sangguniang Panlungsod sa dakbayan sa Davao.
Gibutyag niini nga ang end game sumala pa niini mao ang pagmagahi niini nga dili kini muhunong sa operasyon hangtod nga dili musurender si Pastor Apollo Quiboloy.
Padayon gihapon sumala pa ang iyang trabaho alang sa pag silbi sa warrant of arrest ngadto sa mga akusado.
Dugang sab ni Torre, nga bisan siya wala na matud pa kini nalipay sa iyahang trabaho, apan anaa gihapon ang iyahang pagpasigarbo sa iyahang kaugalingon gumikan ginabuhat niya sumala pa ang iyahang trabaho, apan kung sa hisgutanang kalipay, wala na matud pa kini nalipay sa iyahang ginabuhat, hilabi na nga aduna nay madawatan nga mga pagpangharrass ang iyahang pamilya.
Apan gumikan aduna matud pa siyay gipanumpaan, iya gayud kining buhaton ang iyang trabaho isip opisyal sa kapulisan hangtod sa katapusan.
