DAVAO CITY – Mag-atubang ug kasong paglapas sa Republic Act 9165 o Comprehensive Dangerous Drugs Act of 2002 ang giilang ikaduha nga top drug personality sa Davao Oriental nga una ng nasikop kauban ang laing duruha pa ka mga indibidwal sa gilusad nga buy-bust operation sa Mati City.
Kahinumduman nga una ng giila sa Philippine Drug Enforcement Agency sa Davao Region (PDEA-11) ang suspek nga si Gian Alexis Flores, 31 anyos, residente sa Nazareno Street, Barangay Central, Mati City. Una na sab nga girumbo sa PDEA agents ingon man sa mga personahe sa provincial ug Mati City police ang drug den nga maoy hinungdan nga nasikop ang giilang maintainer nga si Kristoffer Aliezon alias Openg, 41, residente sa nahisgutan nga Barangay.
Diretso nga giposasan sila si Flores ug Aliezon sa mga PDEA human ang drug transaction tali sa poseur buyer. Kalakip sab sa mga gipangsikop ang drug den visitor nga si Norwin Liguez nga aktong migamit ug illegal nga druga.
Narekober sa posisyon ni Flores ug Aliezon ang gagmay nga mga pakete sa illegal nga druga nga kantidad sa P1,000 ingon man buy-bust money.
Dihang gipahigayon ang paghiling sa suspek, nakuha sab gikan sa iyang posisyon ang laing 11 pa ka mga pakete sa mga illegal drugs nga mutimbang ug kapin kun kulang 11 grams ug adunay street value nga PHP165,000.
Susama karon nga gipangpaslak sa presohan ang mga dinakpan ug gikustodiya na sab sa otoridad ang mga narekober nga mga illegal nga druga.
