Nadakpan sa usa ka drug buy-bust operation ang usa sa mga top 5 drug personality sa Davao City nga giilang si alyas “Jake”, 29 anyos, usa ka glass installer ug residente sa Km. 7, Cubcub, Barangay Buhangin.
Ang operasyon gipahigayon sa mga sakop sa Sasa Police Station 4 sa sayong kabuntagon sa Mayo 12, 2025, adlaw mismo sa eleksyon, bandang alas 1:25 sa kaadlawon.
Gawas kang alyas “Jake”, nasikop usab ang upat pa ka kauban nga giilang sila alyas “Lady”, 33 anyos, usa ka brand ambassador; alyas “Erwin”, 33 anyos, usa ka helper, alyas “Ramon”, 38 anyos, usa ka sales clerk, ug alyas “Joselito”, 25 anyos, gani tanan mga residente sa nagkalain-laing lugar sa Davao City.
Nasikop ang mga suspetsado human silang mapalitan sa gituohang iligal nga droga atol sa operasyon. Ang mga illegal nga droga kon shabu nga nasakmit gibanabana nga mobalor og P57,324.
Lakip usab sa nakuha sa operasyon ang mga drug paraphernalia nga nagpamatuod sa ilang kalambigitan sa ilegal nga kalihokan. Padayon karon ang imbistigasyon samtang gipasakaan na sila og kasong kalapasan sa Republic Act 9165 o Comprehensive Dangerous Drugs Act of 2002.
