DAVAO CITY – Nagpabilin karun sa kustodiya sa Island Garden City of Samal Police Station ang giilang Top 3 Most Wanted Person sa lalawigan sa Davao del Norte human kini nasikop sa gipahigayon nga operasyon sa otoridad.
Pinaagi sa hiniusang puwersa sa mga sakop sa kapulisan ug uban pang law enforcement unit, nadakpan ang suspek nga nailang si Cerelino Roble Labor, 82 anyos, minyo ug residente sa Barangay Mambago-A, Samal Dist., IGCS.
Una ng gipagula ang nahisgutan nga kamandoan ni Hon. Dax Gonzaga Xenos human nga nag-atubang ang suspek ug kasong Rape.
Dugay na nga gipangita ang dinakpan human nga ika-3 kini sa listahan sa Most Wanted Person Provincial Level sa Davao Del Norte.
Gikanayong walay gitakdang nga piyansa ang korte alang sa temporaryong kagawasan sa nahisgutan. Naghulat na lamang kini kung kanus-a taralon sa korte sa kaso nga iyang gi-atubang.
