DAVAO CITY – Nasikop sa mga sakop sa San Isidro Municipal Police Station ang giilang Top 3 most wanted person.
Una ng naila ng dinakpan nga si alyas Edie, 50 anyos, balo, mag-uuma, kanhi residente sa Purok 12, Barangay Kipalili, San Isidro, Davao del Norte.
Malampuson nga nasikop sa otoridad ang nahisgutan pinasikad sa Warrant of Arrest nga gipagula ni Hon. Dante Baguio gumikan sa duruha ka ihap sa kasong rape ug laing duruha ka kasong attempted rape.
Gikanayong walay gitugot ang korte alang sa temporaryo nga kagawasan niini.
Nagpabilin karun sa nahisgutan nga buhatan ang dinakpan alang sa tukma nga disposisyon ug gihulat na lamang ang musunod nga kamandoan sa korte.
Nagpadayag sab sa ilang pagpasalamat ang otoridad ngadto sa publiko nga kanunay nga makiglambigit kanila ilabi na kung adunay masayran nga mga indibidwal nga nagtago-tago gumikan sa gi-atubang nga kaso.
