DAVAO CITY – Dakpan sa otoridad ang Top 2 most wanted sa Wanted Municipal Level sa Talaingod Davao del Norte.
Nadakpan sa gipahigayon nga man hunt operation sa otoridad ang suspek nga nailang si MOYO MATAW-AN ANTIAN, 26 anyos, minyo, mag-uuma ug residente sa Sitio Banoog, Brgy. Palma Gil, Talaingod, Davao del Norte.
Gisikop ang nahisgutan pinasikad sa Warrant of Arrest nga gi-isyu ni HON JUDGE MA. SUSANA T BAUA, Presiding Judge, Regional Trial Court Branch 2, 11th Judicial Region, Tagum City, Davao del Norte nga adunay petsang July 24, 2018.
Giilang TOP No. 2 most wanted Municipal Level ug usa sa lima ka mga suspek nga responsable sa shooting incident nga nahitabo sa Sitio Banoog, Brgy. Palma Gil sa nahisgutan ng musipalidad kaniadtong Abril 7, 2018 diin ang nabiktima naila nga si Rogelio Bustamante ug Jerald Beron.
Gipaslak na karon sa presohan ang dinakpan ug naghulat na lamang sa mosunod nga kamandoan sa korte sa kaso nga iyang gi-atubang.
