Pagkahuman sa taas nga panahon, subli nga adunay Pilipino nga nahimong topnotcher sa duha ka lain-laing board examinations.
Siya mao si Dr. Kharam Molbog, MT kon Medical Technoloist gikan sa Nueva Vizcaya.
Siya ang Rank 1 sa 2022 Medical Technology Board Exam diin nakab-ot niya ang marka nga 91.90%, ug sa bag-ohay lamang nahuman nga 2025 Physician Licensure Board Exam, subli na usab nga siya ang nanguna sa iskor nga 91.17%.
Matod pa ni Dr. Molbog, human sa pag-una niya sa MTLE, lahi na ang pagbansay alang sa ikaduhang board exam.
Gibati niya ang bug-at sa mga paglaum sa tanan ug ang tanang mga mata nga nakatutok kaniya.
Grabeng pressure sumala pa sa iyahang bahin.
Gipaambit ni Kharam nga dili siya katuo sa resulta sa dihang gipagawas ang listahan ug nasiguro niyang siya na usab ang No. 1 sa eksaminasyon sa pagka-Doktor.
Karon nga adunay na siyay duha ka top rankings ug bag-ong kusog sa pagpaningkamot, gidala niya ang damgo sa batang lalaki nga bisan asa siya dad-on sa iyang tawag bisan pa sa pag-especialize sa internal medicine o radiation oncology dili kini usa ka pas-anon aron mapamatud-an ang iyang kaugalingon, apan usa ka saad nga iyang gikat-onan nga tumanon matag-adlaw.
Nasayran nga si Molbog mao ang ikaduhang Pilipino nga two-time board exam topnotcher, nga una mao si Atty. Jose W. Diokno nga nanguna sa CPA Board Exam ug Bar Exam niadtong 1940 ug 1944.
