DAVAO CITY – Patay ang 29-anyos nga fish vendor human pusila sa wala mailhing suspetsado pasado alas 8 Miyerkules sa gabii, Abril 5.
Giila ang biktima nga si Eric Relator Mediano, minyo ug residente sa Purok Pag-asa-B, Barangay Bato, Sta. Cruz, Davao Del Sur.
Sumala sa imbestigasyon sa Digos City Police, mipauli ang biktima gikan sa sabungan ang biktima dihang naglawig ang kini sa highway sakay ang iyang bukakang.
Apan pag-abot sa may Purok Malipayon, Barangay Zone I, Digos City, usa ka wa mailihing kriminal nga nagmaneho sa motorsiklo ang nisubida ngadto sa biktima ug kalit niyang gipusil sa makadaghang higayon.
Nakahiagum og samad pinusilan sa managlahing parte sa lawas. Gitabang pa ang biktima sa Davao del Sur Provincial Hospital apan gideklara na siyang dead on arrival.
Na-retrieve gikan sa crime scene ang 6 ka basyo sa kalibre .45 nga pistola nga gigamit sa maong krimen. Gipahigayon ang imbestigasyon ug hot pursuit operation alang sa pagdakop sa nakapusil-patay kang Mediano.
via || Bombo LJF
