Opisyal nang gidawat sa Association of Southeast Asian Nations (ASEAN) ang nasud nga Timor-Leste (East Timor) isip ika-11 nga miyembro human sa 14 ka tuig nga paghulat.
Gibuhat ang pormal nga anunsyo atol sa ASEAN Summit sa Kuala Lumpur kagahapong adlawa Octobre 26, 2025, diin gitikad ug gitaas ang bandera sa Timor-Leste tapad sa mga bandila sa ubang kasapi sa rehiyon.
Matod ni Prime Minister Xanana Gusmão, usa kini ka makasaysayang higayon alang sa ilang nasud. “Alang sa katawhan sa Timor-Leste, kini dili lang damgo nga natuman kondili usa ka pagpanghimatuod sa among panaw,” matod pa ni Gusmão.
Samtang si President Jose Ramos-Horta nagpahayag usab sa kalipay sa ilang pagkakasapi, nga dugay na nilang gitinguha aron mapalig-on ang relasyon ug kooperasyon sa ubang nasud sa Southeast Asia.
Bisan og gamay pa ang ekonomiya sa Timor-Leste nga nagkantidad og $2 billion, naglaum ang ilang gobyerno nga ang pag-apil sa ASEAN mag-abli sa daghang oportunidad sa kalakalan, turismo, ug pamuhunan.
Nahibal-an nga kaniadto, gipangulohan kini sa Portugal ug gisakop sa Indonesia sa daghang katuigan, hangtod nakab-ot niini ang kagawasan niadtong tuig 2002.
