DAVAO CITY – Pinangita na karon ang tighimalad human linglaha ang gihimalaran.
Kahinumduman nga daw nakaka-on ug tagam ang usa ka lalaki nga nagpahimalad sa usa ka nagpaila nga usa ka manalagna. Kini ang nasenati-an ni alyas Erning, 56 anyos, nga taga-Camia St., San Juan Village, Bangkal, Talomo District, Davao City human nga nahothot ang iyang tinipigan nga Singko mil ka pesos ug wala na gayud niya mabawi.
Subay niini nagpasidaan karon ang kapulisan sa San Pedro Police Station nga dili gilayon magpadala sa mga tawo nga mangayo kanila ug kwarta.
Ulahi na nga naka-huna-huna si alyas Erning, nga nailad na diay siya.
Una niini, sa milabay nga adlaw gi-agni ang biktima sa usa ka mananagna nga magpatagna kaniya sa kantidad nga P50 pesos atbang sa City Hall ning syudad.
Sa dihang gisugdan na sa pagbasa ang iyang mamahimong kapalaran, gisuginlan siya sa mananagna nga dunay usa ka lalaki ang misumpa kaniya ug malason siya sa tibuok kinabuhi. Apan nasayod sumala pa ang mananagna sa pagtanggal sa moang sumpa bugit sa kantidad nga P5, 000 ka pesos.
Tungod sa kahadlok gihatag na lamang ang P3,500 nga anaa sa iyang bulsa. Tungod ulahi na nga nakahuna-huna si alyas Erning ug sa iyang pagbalik sa lugar nga nahimutangan sa suspek wala na kini.
