Nanawagan ang grupong think tank nga imbestigahan ang pag-terminate sa Bangko Sentral ng Pilipinas (BSP) sa kontrata niini sa AllCard Inc. nga mao ang kontraktor ug supplier sa National ID card project.
Kung kahinumduman, nagdesisyon ang BSP nga tapuson na ang kontrata gumikan sa dili mapasabot nga kalangan ug non-compliance kuno sa AllCard sa gikatakdang requirements.
Ang nahisgutang kontrata ang nakaapekto usab sa milyon-milyong Pilipino.
Matod pa sa usa ka experto, ang nahisgutang panghitabo ang gikinahanglang mag-awhag sa tanang ahensya sa gobyerno nga pakusgan ang ilahang mga safeguards ug accountability measures.
Subay sa nahimong desisyon sa BSP, terminated na ang tanang transaksyon sa matag pikas nga partido.
Nahilakip na dinhi ang supply, delivery, installation ug komisyon sa Lotus 1 Lot Lease sa Card Production Equipment sulod sa tulo katuig ug uban pa.
