DAVAO CITY – Nagpadayag si Davao City Acting Mayor Sebastian Duterte sa mga sakop sa security cluster ug sa ilang pagpaningkamut arun magpatuman ug hugtanon nga seguridad mga hinungdan nga nakatala ang siyudad ug zero terrorism-related incidents sa milabay nga lima ka tuig.
Sumala ni Baste nga dili maangkon ang maong kalampuson kung dili tungod sa mga nahimong lakangv sa TFD. Ulahing nakatala ang siyudad ug terrorism incident kaniadtong Setyembre 2, 2016 sa Roxas Night Market diin anaa sa 16 ka mga tawo ang napatay gumikan sa pagpamomba.
Human sa maong insidente, anaa sa pito ka mga suspek ang guilty sa multiple murder ug multiple attempted murder ug na-sentensiyahan ug reclusion perpetua kaniadtong Setyembre 28.
Sa tabang sab karun sa Task Force Davao, nahimong gawasnon ang mga dabawenyo nga magsuroy-suroy sa downtown area.
Nahimong malampuson sab ang pagpatuman sa Culture of Security program arun nga mabatukan ang terrorism ug ubab pang security threats.
Naglaum na lamang karun ang lokal nga kagamhanan nga ipadayon sa task force, uban ang mga miyembro sa security cluster, nga magsilbi nga vital role alang sa pag-angkon sa dakbayan sa kalambuan.
Nagpadayag sab sa iyang pagpasalamat sa Baste sa city cluster human nga gideklara sa 10th Infantry Division (10ID), Philippine Army (PA), ug Police Regional Office-Davao (PRO-Davao) nga dyutay na lamang ug maangkon na sa dakbayan anginsurgency-free city human nga nabungkag na ang mga guerilla front groups such sama sa New People’s Army.
