DAVAO CITY – Gihimo sa Task Force Davao (TFD) ang no terror campaign sa Davao City Overland Transport Terminal (DCOTT).
Gipasiugdahan ni TFD Commander Col. Bernard Irwin Neri and kampanya diin nag-apod-apod sila ug mga anti-terror stickers sa publiko aron sa pagpahinumdum nga i-repprt gilayon ang bisan unsa man nga katahapan nga paglihok-lihok sa usa ka tawo o kaha grupo.
Kapin sa kwatrosentos ka mga anti-terror stickers ang gipapilit sa mga van sa Southern Mindanao Transport Incorporated.
Dugang pa ni Neri nga responsabilidad sa publiko nga i-report sa mga tinugyanan sa balaod nga i-taho gilayon ang mga katahapan nga mga butang o kaha lihok sa mga tawo o kaha grupo.
Sumala pa kang Col. Neri nga wala’y direkta nga bahad batok sa dakbayan sa Davao, apan taas lamang gayud kayo ang gipatuman nga security measures sa dakbayan aron nga kapugngan ang pagkasubli sa Roxas night market bombing.
Gitataw ni Neri nga duna na’y tukma nga security plan ang dakbayan alang sa mga mobiyahe ug sa mga mo-obserba sa Semana Santa.
