DAVAO CITY – Gipasalig sa Task Force Davao (TFD) nga mamahimong hapsay ang labing una nga city-wide “Culture of Security Community exercise,” sulod karong semanaha nga langkuban sa mga field actors nga magpaka-aron ingnon nga mga terorista ug ipahimutang sa mga nagkadaiyang lokasyon sa siyudad.
Subling ang subli nga gibutyag sa TFD subli sa mga concern nga ang maong aktibidad mamahimong tinubdan sa pagpanic sa mga tawo ug mamahimong hinungdan nga mokatag ang coronavirus disease (COVID-19).
Sumala pa kang Col. Consolito Yecla, TF Davao commander, nga gipailalom na sa briefing ang mga kapulisan paunsa huptan ang sitwasyon sa mga nagkadaiyang lokasyon atol sa community exercise kini aron masubay kung paunsa ang mamahimong kooperasyon sa publiko ngadto sa otoridad ug unsa ang mga lakang nga himuon niini kung adunay makitang presensiya sa mga terorista. \
Una na sab nga gibutyag ni Col. Kirby Kraft, Davao City Police Office (DCPO) director, nga nakigpulong na sila sa TF Davao aron nga masubay ang mga mechanics sa community exercise kini aron masiguro nga matuman ang health protocols ug dili kini masupak.
Gikanayong ang mga actors susama nga miyembro sa TF Davao ug police auxiliary ang magdala ug dummy weapons o explosives atol mismo sa ipahigayon nga community exercise.
