DAVAO CITY – Subli nga nakasinate ug pagbaha ang checkpoint sa Task Force Davao kagabie kini human ang nasinatian nga mga pag-ulan sa bukid.
Kahinumduman nga okupado ang mga sakop sa TF Davao ilabi na nga bag-ohay pa lamang sab gibaha ang nahisgutan nga dapit sa milabay nga semana diin gibanlas ang mga dagkong bato paingon sa dalan nga maog hinungdan nga daghanang sakyanan ang wala gilayon naka-agi.
Hinuon dali sab dayon nga gi-assist sa pipila ka mga personahe ang dagan sa mga mi-agi nga sakyanan aron nga dili kini mabalda.
Ang nasinatian nga pag-ulan sa dakbayan ug pipila ka bahin sa Davao region ang hatud sumala pa sa Localized thunderstorm.
Kahinumduman nga adunay mga lugar sab sa Davao de Oro ang gibaha apan gilayon sab dayon nga nakabalik sa ilang mga pinuy-anan ang mga apektadong residente.
