TFD alerto sa mga checkpoint dungan sa pagbalik sa trabaho sa empleyado

DAVAO CITY – Gumikan kay balik na sa trabaho ang mga empleyado ug abli na sab ang mga negosyo sa siyudad human ang bakasyon dungan sa pagtabo sa bagong tuig, okupado na sab ang mga personahe sa Task Force Davao (TFD) sa Sirawan Toril ning dakbayan aron nga ipailalom sa hugtanon nga paghiling sa mga molatas nga motorista sa checkpoint.

Gipahibalo karon sa mga personahe sa TFD nga kinahanglan mo-presenta pa gihapon ug QR code ang mga mosulod sa siyudad aron nga dili malangay sa ilang mga biyahe.

Gawas sa Sirawan, okupado na sab karon ang checkpoint sa Lasang ug Calinan ning siyudad.

Gitambagan sab ang mga motorista nga gawas sa QR code kinahanglan sab nga dad-on niini ang uban pang mga gikinahanglan nga mga rekisitos.