DAVAO CITY – Moabot na sa 21,408 ang nadakpan sa Traffic Enforcement Unit (TEU) sa davao city Police office nga mga nakasupak sa speed limit sa dakbayan sa Dabaw.
Samtang, mokabat na usab sumala pa sa 11,201,000 ang nakolekta usab niini gikan sa P500 pesos nga gibayad nga multa sa matag violators.
Gikanayon ni TEU-DCPO Head PLtCol Nolan Raquid ang nahisgutan gidaghanon sa mga nangadakpan ang resulta sa ilang mga operasyon sa nagkadaiyang bahin sa dakbayan sa Dabaw gikan niadtong October 13, 2020 hangtud May 31, 2021 gamit ang ilang speed gun.
Sa pikas bahin, gitin-aw usab karon ni Raquid nga nagpabilin sa 60 km/hr ang speed limit sa CP Garcia highway ning dakabayn sa dabaw.
Kini human adunay kasaypanan ang mga ginsakupan sa TEU sa gihimo niining pagpangdakop sa mga motorista nga misobra sa 30km/hr ang dagan sa maong highway.
Sa samang higayon nangayo usab ug despensa ang TEU ngadto sa mga gipang-tikitan ug gipanaad nga ipa-revoke kini aron wala na silay bayarang multa.
Nasayran nga gibasehan sa mga enforcers ang gibutang sa DPWH nga signage sa lugar nga 30km/hr gumikan sa kadaghang mga aksidente nga natigayon sa nahisgutang dapit.
