DAVAO CITY – Gipahigayon karong adlawa ang training alang sa ika-duhang batch sa mga rebel returnee sa pagpanguna sa Technical Education and Skills Development Authority (TESDA) ug sa uban pang mga ahensiya sa kagamhanan.
Ang nahisgutang programa ang gitawag ug Inter-agency Productivity Development Program for the Former Rebels.
Tumong sa nahisgutang programa nga tabangan nga mapalambo ang kinabuhi samga rebel returnees human mibalik sa sabakan sa kagamhanan.
Nakig-alayon usab sa TESDA ang Department of Labor and Employment (DOLE), Armed Forces of the Philippines (AFP) – Eastern Mindanao Comman, Department of Social Welfare and Development (DSWD) ug daghan pang uban.
Ang mga beneficiaries ang makadawat ug free skills training, accommodation and assessment ug usaka training support fund nga P100 matag training day.
Subay sa record sa AFP, kinatibuk-ang 471 ka mga kanhi rebelde gikan sa Davao Occidental, Compostela Valley, Davao City, Tagum City, Davao del Sur ug Davao Oriental ang na-una nang mipa-ilalom sa profiling niadtong March 20, 2018.
Ang mga na-profile ang kabahin sa 638 ka mga rebelde nga mi-surrender ug na-ila sa Department of National Defense (DND).
Moabot na sa 45 ka mga kanhi rebelde ang mi-graduate sa nahisgutang training ug karon ginatabangan na aron maka-trabaho, diin 20 ang mga nakadawat ug certificate sa Automotive technology ug 25 alang sa Civil technology ug matag usa kanila ang hatagan ug transportation ug food allowance nga nagkantidad ug P200 matag usa.
