Taas sumala pa ang kumpiyansa sa national tennis team nga mosalmot sa 33rd Southeast Asian Games sa Thailand tungod sa presensya ni Alex Eala.
Si Eala ang nanguna isip flag bearer, kauban si volleyball star Bryan Bagunas, atol sa opening ceremony sa torneo.
Tungod sa pag-apil ni Eala, naglaum ang tennis team nga mas daghan pa silang makuha nga mga medalya karong tuiga.
Target usab nilang malabwan ang usa ka gold medal nga ilang nakuha sa 2023 SEA Games.
Sumala ni HILTA Secretary General ug Navotas City Mayor John Rey Tiangco, usa ka dakong dungog nga maapil si Eala mao nga andam kaayo ang team alang niini nga kompetisyon.
Sa 2021 SEA Games, nakakuha si Eala ug tulo ka bronze medals.
Lakip sa mga miyembro sa tennis team sa Pilipinas sila si Ricc Olivarez, Alberto Lim, Alexa Milliam, Francis Alcantara, Ruben Gonzales, Shaira Rivera, Tennielle Madis, Stefi Aludo, ug Arthur Craig Pantino.
