Miapela ang Teachers Dignity Coalition kay President Bongbong Marcos Jr., nga mopili og dili politiko alang sa mosunod nga kalihim sa Department of Education.
Sumala kay TDC Chairperson Benjo Basas, kini raw aron masiguro nga dili na malambigit ang departamento sa mga lalis o panagbangi sa pulitika.
Ang maong panawagan ang human nga mikanaog sa pwesto si Vice President Sara Duterte isip DepEd Chief niadtong milabayng semana.
Wala kaayog pagpaklaro ang bise presidente sa kon nganong gibuhian niini ang katungdaan gawas sa giingon niini nga tungod kini sa nagpakabana siya sa mga magtutudlo ug mga estudyante.
Kapin usa ka bulan na lamang ang anaa si Pangulong Ferdinand Marcos aron mupuli og kapuli ni Duterte diin mo epekto ang pagbuhi niini karong umaabot nga Hulyo 19, 2024.
Una na usab niini, nagkanayon si Sen, Sherwin Gatchalian, Chairman sa Senate COmmittee on Basic Education nga angayan nga si Senator Sonny Angara ang mosunod nga kalihim sa DepEd.
