Ugdaw ang usa ka kotse human nga misilaob kini sa dalang Mc Arthur Highway,pasado alas otso kagabii.
Sa maong panghitabo paspas sumala pa nga gilamoy sa kalayo ang sakyanan samtang dali sab nga migawas ang mga sakay niini.
Gisulayan pa ug palong ang kalayo gamit ang fire extinguisher apan padayon gihapon kining misilaob.
Gilayon sab nga miresponde ang mga bumbero nga anaa lamang sa unahan nga bahin sa nahitaboan.
Sumala pa sa driver nga si Glenn Quibuyen , 34-anyos usa ka magtutudlo nga pauli na unta sila sa ilahang balay niadtong tungura, sakay ang uyahang asawa ug ilahang anak, apan nag-malfunction na ang ilahang gisakyan nga sakyanan.
Saysay sab niini nga ilaha ng nabantayan nga adunay niaso sa bahin sa dashboard ug sa pagtan-aw nini gilayon nga misilaob ang makina.
Subay sa gihimong imbistigasyon sa Talomo Fire Station, electrical short circuit ang hinungdan sa nasampit nga nasunog nga KIA AVELLA SEDAN, kolor pula.
Sumala pa sa kabomberohan nga adunay gibana-banaan nga danyos nga mokabat sa P60,000.
