DAVAO CITY – Nagpahimangno ang lokal nga panggamhanan ngadto sa tanan nga mga taxi drivers nga mogamit ug identification cards (ID) human ang bag-ong insidente nga gikalambigitan sa driver nga nag-spray sumala pa ug toxic chemicals aron nga malipong ang pasahero.
Kahinumduman nga una ng nagpadayag ug susama nga kabalaka si Public Safety and Security Command Center Chief retired army general Benito de Leon, human nga dili lamang kini ang unang higayon nga adunay nagpatala kanila ug susama nga reklamo.
Nasayran kang de leon nga na-trace nila ang plate number sa Taxi pinaagi sa gimuntar nga closed-circuit television (CCTV) cameras hinungdan nga naila sab nila ang suspek.
Gikanayong tulo sumala pa ka mga reports ang ilang nadawat kalabot sa maong modus.
Tipik lamang ang pahayag sa opisyal human ang ulahing insidente diin usa sumala pa ka tinun-an sa kolehiyo ang nabiktima gumikan sa dili maayong baho sulod sa taxi samtang ang taxi driver ang nakasuot ug surgical mask.
Gikanayong mibati ug kalipong ang maong pasahero hinungdan nga pugsanon niini nga gipahunong ang taxi ug nakapangayo ug tabang sa usa ka warehouse.
Ang nahisgutan nga modus ang usa sab karon sa mga tutukan sa kapulisan.
